最新優惠
whatsapp

痛症小教室

痛症竟然係由手機引致?

都市人經常機不離手,食飯、行街都攞住部手機不停掃。但你又知唔知,長期做低頭一族,好大機會引致身體出現各種痛症問題。

【椎間盤突出症】
玩手機好多時坐姿都唔正確,長時間累積好易引致盆骨向前傾或後傾,造成駝背、尾龍骨唔正等情況,嚴重可導致「椎間盤突出症」,造成腰痛及下背痠痛、手腳麻痺等問題。

【直頸病】
長時間低頭睇手機,令到頸椎壓力大增,頸椎自然弧度被拉直,久而久之形成「直頸病」,頸部和肩膀會出現繃緊、僵硬、疼痛等症狀。

【滑機肩&滑機肘】
長時間攞住手機玩,肩膀需要向前傾並向上抬,以及手肘一直維持彎曲姿勢,繼而發生神經功能障礙,造成肩膀痠痛、手腕和手臂麻痺,好易引致「滑機肩」和「滑機肘」,嚴重者可出現肩膀無法抬高,著衫都會感覺疼痛。

身體出現痛症時,按摩只係舒緩一時之痛,不能根治問題,想要解決日常勞損痛症嘅困擾,就要對症下藥!