最新優惠
whatsapp

痛症小教室

長期打電腦,唔想有「滑鼠手」?

返工長時間對住電腦打字同攞住滑鼠,如果姿勢唔正確,手部就好易出現痠痛、無力、麻痺嘅情況,長期得唔到舒緩嘅話,好易引致「滑鼠手」!

4招舒緩滑鼠手:

1. 伸直左手,手掌向下,掌心向內,右手將向下嘅手掌向內彎曲,伸展至舒適感覺即可,大約維持20秒,可轉左右手各做3次。

2. 伸直左手,手腕向下,手掌向上,右手按住右手手指往後拉,直到感覺右手肌肉有拉扯感,大約維持20秒,可轉左右手各做3次。

3. 將雙手手指交替疊住,貼實呈拳頭般,然後連同手腕順時針、逆時針地轉,大約做20秒,可做3至4次。

4. 用力握拳,快速依次伸開小指、無名指、中指、食指、拇指,左右手各做10次。