最新優惠
whatsapp

痛症小教室

行山都有機會行出痛症 ?

好多人已經將行山視為一種興趣,但行山嘅過程需3至4小時不等,結束行程後更容易行出一身肩頸痛、前膝痛或足底筋膜炎。如果呢啲痛症嘅困擾已經唔係一、兩日,咁就要留意啦!呢個可能係痛症嘅徵兆...

肩頸痛
行山裝備唔少得孭背囊,需要裝住食物、水等,但一孭就孭幾個鐘,背囊好自然墜住頸部兩側嘅上斜方,令到頸部及上背周邊嘅肌肉愈行愈變得繃緊,好易造成寒背縮膊,進一步加劇肩頸痛。

前膝痛
行山最常見就係前膝痛,主要係落斜坡及上落樓梯時,膝部軟骨會承受相當於身體3~5倍嘅體重壓力,如果經常上落樓梯,會增加軟骨摩擦,帶來損傷,更有可能增加關節磨蝕嘅風險。

足底筋膜炎
行山時間長,多數腳跟、腳板會痛,常見嘅痛症係筋膜炎,如果行嘅山路碎石多、濕滑,著嘅鞋設計又唔理想,鞋底過軟、易變形、坑紋唔夠,好易導致筋膜勞損而患上足底筋膜炎。