最新優惠
whatsapp

痛症小教室

仲翹腳?知唔知會好易引致身體各種痛症!

好多時一坐低就好自然地翹腳,其實翹腳係種不良嘅姿勢,長時間翹腳好易引致各種痛症‼️

翹腳對身體造成嘅危害:

1.【脊椎側彎】
翹腳時會令到骨盆歪斜,導致脊椎側彎,繼而出現肩頸痠痛、腰痠背痛、肌膜疼痛等。

2.【退化行關節炎】
翹腳會令到一隻腳長期承受另一隻腳嘅壓力,增加膝關節內部結構嘅壓力,導致膝蓋上腔退化磨損,增加罹患退化性關節炎嘅風險。

3.【椎間盤突出】
翹腳會令到椎間盤受到唔平衡嘅壓迫,長期會導致椎間盤突出,繼而出現坐骨神經疼痛等問題。

4.【梨狀肌症候群】
翹腳嘅動作會令到梨狀肌被過度使用而變得緊繃,好容易引起梨狀肌嘅腫脹與發炎,導致梨狀肌症候群,下肢會出現麻痺、痠痛。

5.【腿部靜脈曲張、下半身水腫】
翹腳時,翹起嘅果一隻腳後側神經容易被壓迫,導致血流唔暢通,容易引致小腿靜脈曲張、下半身水腫。

6.【影響大小便功能】
翹腳時會令到骨盆底肌群處於緊繃嘅狀態,導致骨盆底肌群失能,嚴重嘅話會影響大小便功能。