最新優惠
whatsapp

痛症小教室

都市人常見嘅痛症,你屬於邊一類?

香港人生活節奏急速,經常OT又無時間做運動鍛鍊身體🏃,加上長時間維持不正確嘅姿勢,好易造成身體勞損,最常見嘅痛症就有以下幾款:

1.【頸椎痛】
長期久坐,低頭睇手機用電腦📱,長時間保持固定嘅頭頸姿勢,由於過度使用頸部而導致關節軟骨磨損,頸椎關節退化、發炎,容易出現肩頸疼痛、手部麻痺、頭痛等不適症狀。嚴重者會肌肉無力,四肢麻木。

2.【肩周炎】
肩周炎俗稱「五十肩」,係一種令關節僵硬和痛楚嘅症狀。真正引發肩周炎嘅病因不詳,但可能因肩關節部位勞損或受創傷引起。起初,肩關節部位會出現痛楚,其後會逐漸變僵硬,導致肩膀活動嘅幅度減少及受阻。

3.【坐骨神經痛】
日常長期維持唔正確嘅坐姿或姿勢,例如蹺腳、側坐,運動創傷、常搬運重物,引致椎間盤退化或過度勞損,令到神經線受壓,導致「坐骨神經痛」。初期感覺腰部到臀部,再延伸到腳後側刺痛、灼熱、肌肉無力及麻痺,嚴重可導致行走困難,甚至無法行路。

4.【腕隧道症候群】
腕隧道症候群俗稱「滑鼠手」,係一種常見嘅職業病,長期對電腦,使用滑鼠及鍵盤、鋼琴老師、家庭主婦等重覆性腕部活動嘅職業。初期手腕會感覺到麻痺、刺痛,手部動作唔靈活及無力,嚴重者手部肌肉會萎縮。